Թշնամին հասել է Սյունիքի դարպասներին. Արծրուն Հովհաննիսյան

137

Հակառակորդին հաջողվեց գրավել Կուբաթլուն եւ որոշ ուղղություններով առաջանալ։ Այս մասին այսօր՝ հոկտեմբերի 26-ին, հրավիրված ասուլիսի ժամանակ հայտարարեց ՀՀ ՊՆ ներկայացուցիչ Արծրուն Հովհաննիսյանը։

Նրա խոսքով հակառակորդը հարավ-արևելյան ուղղությամբ լայնամասշտաբ հարձակում է այսօր իրականացրել. «Միաժամանակ հրետանակոծելով և ռմբակոծելով Արցախի քաղաքները։ Ողջ օրվա ընթացքում այդ հրոսակախմբերին չի հաջողվել ճեղքել առաջնագիծը,չնայած որոշ հատվածներում թվացյալ հաջողություններ են ունեցել։ Հադրութից հյուսիս գտնվող գյուղերի անտառների հատվածում, շարունակվել են դիվերսիոն խմբերի ջախջախման գործողությունները։ Որոշ դիվերսիոն խմբեր թողնելով մեքենաներ փախել են, մի քանի գյուղերում մարտերը շարունակվում են. Շեյխեր, Ջիվանիկ, Ազոխ և հարակից այլ գյուղերում»։

«Երեկ, ցավոք, երեկոյան ուշ ժամին մարտերի ընթացքում հակառակորդին հաջողվեց գրավել Կուբաթլուն եւ որոշ ուղղություններով առաջանալ։

Վաղը մենք ինտերակտիվ քարտեզով ավելի հստակ ցույց կտանք այդ տարածքները»,- ասաց Արծրուն Հովհաննիսյանը։