«Դինամո» մարզադահլիճում կայացավ իսպանական հանրահայտ MIX FIGHT 44-րդ մրցաշարը, որի ընթացքում անցկացվեցին K1-ի, մուայթայի, քիքբոքսինգի և MMA-ի մենամարտեր: Մրցաշարին մասնակցելու համար Իրանի, Ռուսաստանի, Վրաստանի, Կուբայի և Իսպանիայի ուժեղագույն մարզիկները ժամանել էին Երևան:
Առաջինը խաղարկվեց մինչև 72,5 կգ WBC վարկածով մուայթայի գոտին, որտեղ Հայաստանի գոտու համար պայքարում էին Ռոման Քալաշյանն ու Դավիթ Անդրեասյանը:Համառ ու անզիջում պայքարում հաղթեց Ռոման Քալաշյանը:
InterNews.info-ի հետ զրույցում Ռոման Քալաշյանը նշեց.
-Զգացողություններս շատ հուզիչ ու ոգևորիչ են, քանի որ շատ երկար եմ սպասել ու պատրաստվել այս մենամարտին: Դժվարին պայքարում հաղթող ճանաչվեցի, քանի որ առաջին ռաունդից հետո ստացա աջ ձեռքի կոտրվածք: Եվ դա չխանգարեց ինձ շարունակել պայքարել ևս հինգ ռաունդ: Ուրախ ու հպարտ եմ, որ հերթական անգամ կարողացա հաղթանակ տանել:
