Ես հիացած եմ նոր սերնդով. Ժիրայր Փափազյան

27

Դերասան, ռեժիսոր, թատերագետ, տարբեր համալսարանների դասախոս, Տիգրան Չուհաջյանի Միջազգային ինստիտուտի (Փարիզ) հիմնադիր տնօրեն Ժիրայր Փափազյանը այսուհետև Երևանի Թատրոնի և կինոյի պետական ինստիտուտում, արևմտահայերեն լեզվով դերասանական դասեր կանցկացնի։

Ինչպես InterNews.info որոշեց ներկա գտնվել դասին, պարզելու համար ինչպե՞ս են անցնում դասերը և ի՞նչ կարծիքի է ռեժիսորը նոր սերնդի մասին:

-Շատ ենք սիրում Պարոն Փափազյանին, իր դասերը յուրահատուկ ձևով են անցնում: Նա նաև մեզ պատմում է իր բովամդակալից կյանքի փորձը, համաշխարհային հռչակ վայելող թատրոններում: Նշեցին ուսանողները:

Հարցին թե արդյոք դիտե՞լ են նրա ներկայացումները, ուսանողները մեկը մյուսին լրացնելով պատասխանեցին.

-Այ՝ո, դիտել ենք «Ատամբաբուժն …Նորէ՞ն» Մալյան թատրոնում, շատ յուրօրինակ ներկայացում է, որտեղ ցուցադրվող բաց տեսարանները կարողանում ես ընկալել որպես հումոր, սա եզակի աշխատանք է, Հայաստանում չկա նման բան:

-Իսկ ո՞վ է նայել «Արի երազենք» ներկայացումը Համազգային թատրոնում:

Հարցրեցի ես:

-Իսկապե՝ս,  դո՞ւք եք բեմադրել այն, իսկ ես փնտրում էի բեմադրիչին:

Լսվեց ուսանողներից մեկի պատասխանը:

-Գիտե՞ք ես այնքան շատ եմ այն հավանել, սա ևս յուրօրինակ գործ է, այստեղ կինը հանդես է գալիս, ոչ թե իր ամուսնուն դավաճանողի դերում, այլ ցուցադրում է իր սթևեթանքը, իր ողջ գեղեցկությամբ: Ներկայացման մեջ ցածր մակարդակի դավաճանություն չկա: Այլ կա մի կին , ով իսկական սեր է որոնում ու չի գտնում: Այնքան նուրբ է արված մանավանդ կնոջ վերջին մենախոսությունը: Դեկորների էսթետիկան էլ շատ ճաշակով էր:

Մյուս ուսանողները ևս համաձայնվեցին:

Ժիրայր Փափազյանը լուռ ու ինչ որ զարմանցած հայացքով լսում էր պատասխանները, փորձեցի հասկանալ ո՞րն է զարմանքի պատճառը.

-Ես պարզապես զարմացած եմ, քանի որ այս երիտասարդները կարողացել են ամբողջությամբ խորը հասկանալ իմ ասելիքը: Պիեսում իմ ներդրած մեկնաբանությունը, որը ես չեմ լսել մեծահասակներից կամ նույնիսկ իրենց գիտուն համարող քնննադատներից: Այնքան ճիշտ են հասկացել մեր ջահելները պիեսի խորքային իմաստն ու ոգին, ի տարբերություն շատերի , որոնք տեսան միայն պիեսի «բուլվարային բնույթը»:

Ես այնքան ուրախ եմ, որ գործ ունեմ այս նոր սերունդի հետ: Հիացած եմ պարզապես: Իսկ ինչ վերաբերվում է դասաժամին, ասեմ որ արևմտահայերեն լեզվով դասերը շատ կարևոր են, այն դերասանի համար նոր հորիզոններ ու ինքնարտահայտման ուղիներ կբացի։ Անելիքները շատ են Հայստանում, նորություններն էլ շուտով:

Հավելեց ռեժիսորը:

Հղինակ՝ Էմմա Կանտ