«Դավինչի թրեվլ» տուրիստական գործակալությունից տուժել են բազմաթիվ քաղաքացիներ

148

«Դավինչի թրեվլ» տուրիստական գործակալությունից տուժել են բազմաթիվ քաղաքացիներ։ Վերջիններս համացանցում իրենց դժգոհությունն են հայտնում՝ նշելով, որ տնօրենի և աշխատակիցների կողմից հարյուրավոր քաղաքացիների վստահությունը չարաշահելու եղանակով, խարդախությամբ գումարների հափշտակություն կատարելու մասին դիմումներ են ուղարկվել ՀՀ գլխավոր դատախազություն և ՀՀ քննչական կոմիտե, ինչպես նաև ՀՀ ոստիկանությունում արդեն քրեադատավարական վարույթ է նախաձեռնվել։

Ի դեպ, «Դավինչի թրեվլ»-ի գովազդով ակտիվորեն զբաղվում էր դերասանուհի Լյուսի Հայրապետյանը, որն ինստագրամում գրանցված է որպես Լուստնյակ և ունի մեծ թվով հետևորդներ։ Պարզվում է բազմաթիվ քաղաքացիներ հենց Լուստնյակին վստահելով են դիմել այս տուրիստական գործակալությանը և փաստորեն հայտնվել խաբված վիճակում։ Ավելին, այդ մասին Լուստնյակը խոսել է նաև Ինստագրամի իր սթորի բաժնում՝ նշելով, որ իր համագործակցությունն ավարտվել է «Դավինչի թրեվլ»-ի հետ և ինքը բոլոր գովազդային հոլովակները հեռացրել է իր էջից․ «Դավինչի տուրիստականն ինձ հետ մի կապեք։ Նրանք լուրջ ֆինանսական խնդիրների առաջ են կանգնել ու շատերի գումարները չեն կարողանում վերադարձնեն։ Կներեք, որ ձեզ ուղղորդել եմ դեպի «Դավինչի թրեվլ», խնդրում եմ զգուշանալ և նրանց ծառայութուններին չդիմել»,- նշել է նա։

Աղբյուրը՝ lurer.com