ՀՀ ԱԻՆ ՓԾ Ճգնաժամային կառավարման ազգային կենտրոն հուլիսի 10-ին ժամը 12:09-ին ահազանգ է ստացվել, որ Հալաբյան-Ջանիբեկյան փողոցների խաչմերուկի մոտակայքում` Դատական ակտերի կատարման ծառայության շենքի ավտոկայանատեղիում մի քանի ավտոմեքենա է այրվում:
Ինչպես «Արմենպրես»-ին տեղեկացրին ԱԻՆ տեղեկատվության և հասարակայնության հետ կապերի վարչությունից, հրդեհը բռնկվել է խոտածածկ տարածքում, այնուհետև տարածվել է և վնասել 6 ավտոմեքենա:
Դեպքի վայր է մեկնել երկու մարտական հաշվարկ: Հրդեհը մարվել է 14:00-ին: Այրվել է 1000 քմ մակերես տարածք:
Աղբյուրը՝ https://armenpress.am/arm/news/940382.html
