Բացառիկ կադրեր նախօրեին Գավառում տեղի ունեցած սպանություններից. ՖՈՏՈՌԵՊՈՐՏԱԺ, ՏԵՍԱՆՅՈՒԹ. Armlur.am

10

Armlur.am կայքը բացառիկ կադրեր է հրապարակել նախօրեին Գավառում տեղի ունեցած փոխհրաձգությունից, որի հետևանքով երկու քաղաքացի էր մահացել, մի քանի քաղաքացիներ էլ ստացած տարբեր մարմնական վնասվածքներով տեղափոխվել էին Գավառի և Երևանի բժշկական կենտրոններ: Կայքի փոխանցմամբ՝ Նորատուս համայնքի և Գավառ քաղաքի անչափահաս տղաների միջև վեճ է եղել: Անչափահասների խնդիրը կարգավորելու, կողմերին հանդարտեցնելու նպատակով գործին խառնվել են մեծերը, ինչից հետո էլ հնչել են կրակոցները: Տեսանյութում երևում է, որ Ազատության փողոցում կանգ է առնում 5 ավտոմեքենա, որոնց մեջից դուրս են գալիս տղաները, վիճաբանում միմյանց հետ, ապա նրանց մոտ կանգնում է երեք այլ ավտոմեքենա, այնուհետև սկսվում է փոխհրաձգություն, որի հետևանքով մի քանսին ընկնում են գետնին, մի քանիսն էլ, նստելով ավտոմեքենան, հեռանում են, իսկ երիտասարդներից մեկն էլ շարունակում է կրակոցներ արձակել։

Մանրամասները՝ տեսանյութում: Ավելի վաղ՝ ապրիլի 28-ին, SHAMSHYAN.com-ը տեղեկություն էր հրապարակել Գավառում մարտաֆիլմ հիշեցնող դեպքի վերաբերյալ, ինչի հետևանքով կային զոհեր և վիրավորներ։ Պարզվել էր՝ տարբեր աստիճանի հրազենային վնասվածքներով Գավառի բժշկական կենտրոն էին տեղափոխվել Նորատուս գյուղի բնակիչ՝ 30-ամյա Արմեն Սարգսյանը, Գավառի բնակիչ՝ 39-ամյա Արմեն Հայթյանը, 37-ամյա Վարդան Դավոյանը, Նորատուս գյուղի բնակիչներ՝ 28-ամյա Հրաչյա Հակոբյանը, 18-ամյա Արտյոմ Պետրոսյանը, 32-ամյա Սասուն Մելոյանը։

https://shamshyan.com