Բարձրաճաշակ երաժշտություն և բարձրակարգ խոհանոց և սպասարկում. «Ֆլորենս»-ը նորովի ՝ Արցախում և Գյումրիում

20

Ֆլորենս ռեստորանային համալիրն այլևս ներկայանում է որպես ցանց:

Ապրիլի 5-ին  Ստեփանակերտի սրտում նորովի ներկայացավ «Ֆլորենս Գարդեն»-ը, որը հասանելի  է բոլորին և սիրված հատկապես զբոսաշրջիկների կողմից, իսկ ապրիլի 7-ին  Գյումրիում իր դռները առաջին անգամ բացեց «Ֆլորենս Գյումրի»-ն:

«Ֆլորենս» ռեստորանային համալիրի տնօրեն Մայ Անուշավանյանի խոսքով ՝ իրենց նպատակը ոչ թե բիզնես հետապնդելն է, այլև հասարակական սննդի ոլորտում մշակութային հեղաշրջում կատարելը:

«Ֆլորենս»-ը այս տարի հայտարարվեց որպես ցանց: Արդեն չորս տարի  Արցախում գործում է «Ֆլորենս գարդեն»-ը, Գյումրիում բացվեց «Ֆլորենս Գյումրի»-ն: Մեր ռեստորանային համալիրից օգտվելիս՝ հաճախորդը պետք է գերագույն հաճույք  ստանա ամեն ինչից,-ասաց նա:

«Ֆլորենս Գարդեն»-ի տնօրեն Գարիկ Հովհաննիսյանը մեզ հետ զրույցում նշեց,  որ վերաբացումը նպատակ է ունեցել նոր թարմություն մտցնել ռեստորանում․ «Որակական ավելի նոր մակարդակ դուրս գալու նպատակ ունեինք սպասարկման և խոհանոցի մասով, թարմություն ենք ցանկացել մտցնել»։

Տնօրենի խոսքով՝ իրենց նպատակն է, որ «Ֆլորենս Գարդենը» Արցախում դառնա խորհրդանշանական վայր զբոսաշրջիկների և տեղի բնակիչների համար։ Նա նաև շեշտեց՝ ռեստորանի շնորհիվ լուծվել է շուրջ 50 հոգու զբաղվածության խնդիրը։

Ռեստորանի վերաբացմանը զուգահեռ  ռեստորանին համանուն  Հայաստանում ամենամեծ կազմն ունեցող բենդը ՝ «Ֆլորենս» բենդը, Արցախում բարեգործական համերգ ունեցավ:

Արդեն 7  տարի և՛ ռեստորանում, և՛ պրոֆեսիոնալ բեմերում այս  բենդը մատուցում է բարձրաճաշակ ու բազմաժանր երաժշտություն:

Համերգը տեղի  է ունեցել «Ֆլորենս» բենդի գեղարվեստական ղեկավար, վաստակավոր արտիստ, ջութակահար Վարազդատ Խաչումյանի նախաձեռնությամբ՝ համատեղ Արցախի մշակույթի նախարարության:

Համերգը վարեց շոումեն Գրիշա Աղախանյանը, ով իրեն  համարում է «Ֆլորենս»-ի տան անդամ, միշտ սիրով ու պատրաստակամությամբ է համագործակցում նրանց հետ:

18 անձից բաղկացած բենդում, բոլորը պրոֆեսիոնալ երաժիշտներ են: Նրանց մեծ մասն ավարտել է Երևանի Կոմիտասի ավան Կոնսերվատորիան, մի մասը դասավանդում է երաժշտական տարբեր հաստատություններում:Այս  բենդը յուրահատուկ էիր կազմով, տարբեր ժանրային մոտեցմամբ, կատարում են ջազից  մինչև 6/8՝յուրահատուկ մոտեցմամբ:

Նրանց համար սկզբունք է թե՛ ռեստորանում, և թե՛ պրոֆեսիոնալ բեմերում հնչեցնել  մաքուր ու գեղեցիկ երաժշտություն և երգեցողություն:

«Բենդը շատ լուրջ մոտեցում ունի գործի նկատմամբ: Թեև բազան ռեստորանային համալիրն է, սակայն մոտեցումը բեմական է, ստեղծագործությունները կատարվում են առանց շեղումների, ավանդական ճիշտ ձևով են աշխատում, կարծես Ֆիլհարմոնիայում աշխատես: Մենք նաև նվագում ենք ռաբիզ երաժշտություն, սակայն նվագում ենք քաղաքային ֆոլկլյորի նման, որպեսզի հնչի երևանյան հոգու մեջ»,-ասաց թմբկահար Դավիթ Օհանջանյանը:

«Ֆլորենս» բենդն իր լսարանի համար մտշապես անակնկալներ է պատրաստում: