«Բարի ճանապարհ Վերեւ». ընկերների գրառումը երգիչ Հայկոյի մասին

166

Այսօր կյանքից հեռացել է ՀՀ վաստակավոր արտիստ, երգիչ, կոմպոզիտոր Հայկոն։ Երաժիշտն առողջական խնդիրներ ուներ կորոնավիրուսի հետ կապված, եւ բժիշկները պայքարում էին նրա կյանքի համար։

Հայկ Հակոբյանը 1996թ.-ին «Մոսկվա 96» երաժշտական փառատոնի ընթացքում զբաղեցրել է առաջին տեղը։ 1997թ.-ին դարձել է «Մեծ խնձոր» (Big Apple) նյույոքյան փառատոնի հաղթողը։ 1998թ.-ին Հայաստանում դարձել է «Այո» մրցույթի լավագույն հեղինակ-կատարող։ 2016թ․-ին արժանացել է Հայաստանի վաստակավոր արտիստի կոչման։

Երգիչը 2007թ.-ին «Anytime you need» երգով Հայաստանը ներկայացրել է «Եվրատեսիլ» երգի մրցույթում՝ զբաղեցնելով ութերորդ տեղը։

Սիրված երաժիշտի ընկերները սոցիալական ցացներում հրապարակումներ են արել նրա մասին։

«Հայկոս, բարի ճանապարհ Վերեւ»,- գրել է երգահան Ավետ Բարսեղյանը։

«Նույնիսկ չէինք թույլ տալիս մեզ մտածել, որ կարող է էսպես լինել… Հոգիդ լույսերի մեջ մնա, Հայկո ջան…»,- գրել է երգչուհի Զարուհի Բաբայանը։

Հավերժ պայքարեց անորակ երաժշտության դեմ՝ ստեղծելով ՄԵՂԵԴԻ, որակ, հուզելով, անկեղծանալով իր երգով,հոգին մեզ բացելով…. Մաքրամաքուր գնաց… իր խղճի ու տեսակի առաջ ՄԱՔՈւՐ…
ՈՐԱԿՈՎ ՄՆԱՑ, ԸՆԿԵՐ ու անդավաճան հայ մնաց ու անմահացավ իր ՀՆՉՅՈւՆՈՎ…
Մենք՝ աղքատացանք…

Իսկ ինքը ուղղակի գնաց ՎԵՐև…. սիրո ճամփով դեպի ՎԵՐև …. Հայկո ջան, ընկեր ջան, ախպեր ջան…. ինչի՞ էիր էդքան շտապում…. Խաղաղ մնա, Հայկո ջան… Կարոտներով թողեցիր…»,- գրել է Նազենի Հովհաննիսյանը։

«Հայկ ջան։ Լուսավոր, բարի ու տաղանդաշատ մարդ։ Պակասդ չի լրացվի։ Հավերժ լույսերի մեջ մնաս»,- գրել է Արամ MP3-ը։

«Հայկո ջան…..Ախպեր ջան…. Ճանապարհդ թող հանգիստ լինի դեպի Վերև….»,- գրել է Արա Մարտիրոսյանը։

«Հավատում էինք, որ հրաշք կլինի, բայց… Մեր լավ ընկեր, տաղանդավոր մարդ… Լույսերի մեջ մնաս, մեր Հայկո…»,- գրել է Նունե Եսայանը։