ԱՀԱ ԹԵ ՈՐՈՆՔ ԵՆ ԿԻՆՈԿԵՆՏՐՈՆԻ «ՀՍՏԱԿ» ՊԱՐԶԱԲԱՆՈՒՄՆԵՐԸ

6

Ազգային կինոկենտրոնը հերթական անգամ թոզ է փչում հանրության աչքերին՝ այս անգամ էլ, ոչ ավել, ո՛չ պակաս, թիրախավորելով ՀՀ հաշվեքննիչ պալատի նախագահ
Լ. Յոլյանի զեկույցը և դրան հետևած հարց ու պատասխանը։

Ազգային կինոկենտրոնի ֆեյսբուքյան էջում «միամիտների», բանից անտեղյալների համար գրվածում կարդում ենք. «Ըստ Հաշվեքննիչ պալատի եզրահանգման, «Հայաստանի ազգային կինոկենտրոն» ՊՈԱԿ-ի ֆինանսատնտեսական գործունեությունը համապատասխանում է իրավական ակտերին, ինչպես նաև քաղաքացիաիրավական հարաբերությունների շրջանակներում կնքված այլ գործարքներով սահմանված չափանիշներին և պահանջներին»։

Կինոկենտրոնի հաստիքային մանիպուլյատորները, կինոմիությունը ներկայացնող, նման գործերի մեջ հմտացած արհեստավարժի օգնությամբ, ՀՀ հաշվեքննիչ պալատի եզրահանգման տեքստից հանելով վերը բերված նախադասության «Մեր կարծիքով, ԲԱՑԱՌՈՒԹՅԱՄԲ «ՈՉ ԼԻԱՐԺԵՔ ԵԶՐԱՀԱՆԳՄԱՆ ՀԻՄՔ» պարագրաֆում ՆԿԱՐԱԳՐՎԱԾ ՀԱՐՑԻ հնարավոր ազդեցության՝…» սկզբնամասը, իրականում փորձում են սղացնել, չգոյության մատնել հաշվետու ժամանակահատվածում կինոկենտրոնի գործունեությունում հանցակազմ ենթադրող խախտումների ամբողջ 5 էջ կազմած շարադրանքը՝ ջանալով կառույցի գործունեության մութ ու սուր անկյունները ներկայացնել որպես լուսավոր, հարթ ու պլպլան: (եզրահանգման լիարժեքությունը կհաստատի կամ կհերքի դատախազությունը՝ Ս.Ս.)՝

P.S. Ի դեպ, հին ու նոր կադրերից ճամարտակողներին հիշեցնենք, որ ՀՀ հաշվեքննիչ պալատի ստուգումների երկու տարուց 1.5-ը բաժին է ընկնում նշանակման օրից մինչ օրս տնօրենի ժ/պ մնացած Շուշանիկ Միրզախանյանին: